മക്കക്കാരുടെ ദൈവസങ്കല്‍പ്പം
(ഇ.എ. ജബ്ബാറിന്‍റെ സംവാദം എന്ന ബ്ലോഗില്‍ ഇടപെട്ടു കൊണ്ടെഴുതിയത്.)
ജബ്ബാര്‍ എഴുതി: "ഗോത്രദൈവങ്ങളെല്ലാം വ്യാജന്‍ മാരാണെന്നും അല്ലാഹു എന്ന ആകാശ ദൈവം മത്രമേ യഥാര്‍ഥ ദൈവമായുള്ളു എന്നുമാണ് അദ്ദേഹം വാദിച്ചത്. ഇത് അറബികള്‍ക്കു ബോധ്യപ്പെട്ടില്ല. അവരെ ബോധ്യപ്പെടുത്തുന്നതില്‍ മുഹമ്മദ് തീര്‍ത്തും പരാജയപ്പെടുകയാണുണ്ടായത്."
ചില ഖുര്‍ആന്‍ വാക്യങ്ങള്‍ കാണുക:
1. "നീ ഈ ജനത്തോട് ആകാശങ്ങളും ഭൂമിയും സൃഷ്ടിച്ചതാരെന്നും സൂര്യചന്ദ്രന്‍മാരെ കീഴ്പ്പെടുത്തിവെച്ചതാരെന്നും ചോദിച്ചാല്‍, തീര്‍ച്ചയായും ഇവര്‍ പറയും: `അല്ലാഹു` എന്ന്. പിന്നെങ്ങനെയാണിവര്‍ വഞ്ചിക്കപ്പെടുന്നത്? ... മാനത്തുനിന്ന് മഴ വര്‍ഷിക്കുന്നതും ചത്തുകിടന്ന ഭൂമിയെ അതുവഴി സജീവമാക്കുന്നതും ആരെന്ന് ചോദിച്ചാല്‍ തീര്‍ച്ചയായും ഇവര്‍ പറയും: `അല്ലാഹു' എന്ന്…. (ഖുര്‍ആന്‍ 29: 61, 63)
2. അല്ലാഹുവിനെ കൂടാതെ മറ്റു രക്ഷകന്‍മാരെ വരിക്കുകയും എന്നിട്ട്, അവരെ ഞങ്ങള്‍ ആരാധിക്കുന്നത് 'അവര്‍ ഞങ്ങളെ അല്ലാഹുവിങ്കലേക്ക് അടുപ്പിക്കുന്നതിനുവേണ്ടി മാത്രമാകുന്നു` എന്ന് ന്യായീകരിക്കുകയും ചെയ്യുന്നവര്‍ ഉണ്ടല്ലോ; അവര്‍ ഭിന്നിക്കുന്ന കാര്യങ്ങളിലൊക്കെയും തീര്‍ച്ചയായും അല്ലാഹു വിധികല്‍പിക്കുന്നതാകുന്നു.
(ഖുര്‍ആന്‍ 39: 3)
3. 'ഈ ജനം അല്ലാഹുവിനെക്കൂടാതെ, തങ്ങള്‍ക്ക് ഉപകാരമോ ഉപദ്രവമോ ചെയ്യാന്‍ കഴിവില്ലാത്തതിനെ ആരാധിച്ചുകൊണ്ടിരിക്കുന്നു. അവര്‍ വാദിക്കുന്നു: `ഇക്കൂട്ടര്‍ അല്ലാഹുവിങ്കല്‍ ഞങ്ങളുടെ ശിപാര്‍ശകരാണ്.` നീ അവരോടു പറയുക: നിങ്ങള്‍ അല്ലാഹുവിന് വാനങ്ങളിലോ ഭുവനത്തിലോ അവന്‍ അറിയാത്ത കാര്യങ്ങള്‍ അറിയിച്ചുകൊടുക്കുകയാണോ?' (ഖുര്‍ആന്‍ 10: 18)
4. 'എന്നിട്ട് പുരുഷന്‍ സ്ത്രീയെ ആശ്ലേഷിച്ചപ്പോള്‍ അവള്‍ അവനില്‍നിന്ന് ലഘുവായ ഒരു ഭാരം വഹിച്ചു. അവള്‍ അതുമായി നടന്നു. പിന്നീട് അതിന്‍റെ ഭാരം വര്‍ദ്ധിച്ചപ്പോള്‍ ഇരുവരും തങ്ങളുടെ നാഥനായ അല്ലാഹുവിനോട് പ്രാര്‍ത്ഥിച്ചു: `നീ ഞങ്ങള്‍ക്ക് ഒരു നല്ല കുഞ്ഞിനെ പ്രദാനംചെയ്താല്‍ ഞങ്ങള്‍ നിന്നോട് നന്ദിയുള്ളവരായിരിക്കും.` എന്നാല്‍, അല്ലാഹു അവര്‍ക്കൊരു നല്ല കുഞ്ഞിനെ പ്രദാനം ചെയ്തപ്പോള്‍ അവര്‍ക്കല്ലാഹു നല്‍കിയതില്‍ മറ്റുള്ളവരെ അവന്‍റെ പങ്കാളികളായി ആരോപിക്കുകയായി. അവര്‍ ജല്‍പിക്കുന്ന പങ്കാളിത്തത്തിനെല്ലാം അതീതനും അത്യുന്നതനുമത്രെ അല്ലാഹു. … അല്ലാഹുവിനെ വെടിഞ്ഞ് നിങ്ങള്‍ വിളിച്ചുപ്രാര്‍ഥിക്കുന്നവരുണ്ടല്ലോ, നിങ്ങള്‍ എപ്രകാരമുള്ള അടിമകളാണോ, അതുപോലുള്ള അടിമകള്‍ മാത്രമാകുന്നു അവര്‍. അവരോടു പ്രാര്‍ഥിച്ചുനോക്കുക. അവര്‍ നിങ്ങളുടെ പ്രാര്‍ഥനക്ക് ഉത്തരം നല്‍കട്ടെ; അവരെക്കുറിച്ച് നിങ്ങള്‍ക്കുള്ള ധാരണകള്‍ ശരിയാണെങ്കില്‍. അവര്‍ക്ക് കാലുകളുണ്ടോ നടക്കാന്‍? കൈകളുണ്ടോ പിടിക്കാന്‍? കണ്ണുകളുണ്ടോ നോക്കാന്‍? കാതുകളുണ്ടോ കേള്‍ക്കാന്‍? നീ അവരോടു പറയുക: `ദൈവത്തിന്റെ പങ്കാളികളായി നിങ്ങള്‍ സങ്കല്‍പിക്കുന്നവരെ വിളിക്കുവിന്‍. എന്നിട്ട് എല്ലാവരും ചേര്‍ന്ന് എനിക്കെതിരില്‍ തന്ത്രങ്ങളാസൂത്രണം ചെയ്യുവിന്‍. എനിക്ക് ഒട്ടും അവധി തരേണ്ടതില്ല. ഈ വേദമവതരിപ്പിച്ച ദൈവമാരോ അവനാകുന്നു എന്റെ രക്ഷകനും സഹായിയും. അവന്‍ നല്ലവരായ മനുഷ്യരെ സംരക്ഷിക്കുന്നു. നേരെമറിച്ച്, അല്ലാഹുവിനെ വെടിഞ്ഞ് നിങ്ങള്‍ വിളിച്ചുപ്രാര്‍ഥിക്കുന്നവരോ, അവര്‍ നിങ്ങളെ സഹായിക്കാന്‍ കഴിവുള്ളവരല്ല; തങ്ങളെ സ്വയം സഹായിക്കാനും അവര്‍ യോഗ്യരല്ല'.
(ഖുര്‍ആന്‍ 7: 189-197)
ബഹുദൈവ വിശ്വാസികളുടെ മാനസികാവസ്ഥയാണ്‌ ഖുര്‍ആന്‍ ഈ വരച്ചു കാണിച്ചിരിക്കുന്നത്. അല്ലാഹുവിനെ മുഖ്യ ദൈവമായി കാണുകയും, അവന്‍റെ അടുക്കല്‍ ശുപാര്‍ശക്കാരാകാനുള്ള യോഗ്യത മാത്രം തങ്ങളുടെ കുട്ടി ദൈവങ്ങള്‍ക്ക് വകവച്ച് കൊടുക്കുകയുമാണവര്‍ ചെയ്തത്. കുട്ടി ദൈവങ്ങള്‍ അല്ലാഹുവുവിന്‍റെ മേലെയാണെന്നോ തുല്യരാണെന്നോ ഒന്നും അവര്‍ കരുതിയിരുന്നില്ല. അല്ലാഹുവിന്‍റെ സൃഷ്ടികളും ദാസന്‍മാരുമാണ്‌ ആ ദൈവങ്ങള്‍ എന്നേ വിശ്വസിച്ചിരുന്നുള്ളു. എന്നാല്‍ മി. ജബ്ബാര്‍ അല്ലാഹുവിനെ മാത്രം ഇകഴ്ത്തിക്കാണിക്കാനാണ്‌ ശ്രമിക്കുന്നത്; അതിന്നായി ആരെ പുകഴ്ത്താനും അദ്ദേഹത്തിന്ന് ഒരു മടിയുമില്ല. മക്കയിലെ ബഹുദൈവ വിശ്വാസികള്‍ പോലും ഇത്രയും തരം താഴ്ന്നിരുന്നില്ല.
ഖുര്‍ആനിന്‍റെ മലയാള വിവര്‍ത്തനവും വ്യാഖ്യാനവും വായിക്കാന്‍: thafheem.net
ചില ഖുര്‍ആന്‍ വാക്യങ്ങള്‍ കാണുക:
1. "നീ ഈ ജനത്തോട് ആകാശങ്ങളും ഭൂമിയും സൃഷ്ടിച്ചതാരെന്നും സൂര്യചന്ദ്രന്‍മാരെ കീഴ്പ്പെടുത്തിവെച്ചതാരെന്നും ചോദിച്ചാല്‍, തീര്‍ച്ചയായും ഇവര്‍ പറയും: `അല്ലാഹു` എന്ന്. പിന്നെങ്ങനെയാണിവര്‍ വഞ്ചിക്കപ്പെടുന്നത്? ... മാനത്തുനിന്ന് മഴ വര്‍ഷിക്കുന്നതും ചത്തുകിടന്ന ഭൂമിയെ അതുവഴി സജീവമാക്കുന്നതും ആരെന്ന് ചോദിച്ചാല്‍ തീര്‍ച്ചയായും ഇവര്‍ പറയും: `അല്ലാഹു' എന്ന്…. (ഖുര്‍ആന്‍ 29: 61, 63)
2. അല്ലാഹുവിനെ കൂടാതെ മറ്റു രക്ഷകന്‍മാരെ വരിക്കുകയും എന്നിട്ട്, അവരെ ഞങ്ങള്‍ ആരാധിക്കുന്നത് 'അവര്‍ ഞങ്ങളെ അല്ലാഹുവിങ്കലേക്ക് അടുപ്പിക്കുന്നതിനുവേണ്ടി മാത്രമാകുന്നു` എന്ന് ന്യായീകരിക്കുകയും ചെയ്യുന്നവര്‍ ഉണ്ടല്ലോ; അവര്‍ ഭിന്നിക്കുന്ന കാര്യങ്ങളിലൊക്കെയും തീര്‍ച്ചയായും അല്ലാഹു വിധികല്‍പിക്കുന്നതാകുന്നു.
(ഖുര്‍ആന്‍ 39: 3)
3. 'ഈ ജനം അല്ലാഹുവിനെക്കൂടാതെ, തങ്ങള്‍ക്ക് ഉപകാരമോ ഉപദ്രവമോ ചെയ്യാന്‍ കഴിവില്ലാത്തതിനെ ആരാധിച്ചുകൊണ്ടിരിക്കുന്നു. അവര്‍ വാദിക്കുന്നു: `ഇക്കൂട്ടര്‍ അല്ലാഹുവിങ്കല്‍ ഞങ്ങളുടെ ശിപാര്‍ശകരാണ്.` നീ അവരോടു പറയുക: നിങ്ങള്‍ അല്ലാഹുവിന് വാനങ്ങളിലോ ഭുവനത്തിലോ അവന്‍ അറിയാത്ത കാര്യങ്ങള്‍ അറിയിച്ചുകൊടുക്കുകയാണോ?' (ഖുര്‍ആന്‍ 10: 18)
4. 'എന്നിട്ട് പുരുഷന്‍ സ്ത്രീയെ ആശ്ലേഷിച്ചപ്പോള്‍ അവള്‍ അവനില്‍നിന്ന് ലഘുവായ ഒരു ഭാരം വഹിച്ചു. അവള്‍ അതുമായി നടന്നു. പിന്നീട് അതിന്‍റെ ഭാരം വര്‍ദ്ധിച്ചപ്പോള്‍ ഇരുവരും തങ്ങളുടെ നാഥനായ അല്ലാഹുവിനോട് പ്രാര്‍ത്ഥിച്ചു: `നീ ഞങ്ങള്‍ക്ക് ഒരു നല്ല കുഞ്ഞിനെ പ്രദാനംചെയ്താല്‍ ഞങ്ങള്‍ നിന്നോട് നന്ദിയുള്ളവരായിരിക്കും.` എന്നാല്‍, അല്ലാഹു അവര്‍ക്കൊരു നല്ല കുഞ്ഞിനെ പ്രദാനം ചെയ്തപ്പോള്‍ അവര്‍ക്കല്ലാഹു നല്‍കിയതില്‍ മറ്റുള്ളവരെ അവന്‍റെ പങ്കാളികളായി ആരോപിക്കുകയായി. അവര്‍ ജല്‍പിക്കുന്ന പങ്കാളിത്തത്തിനെല്ലാം അതീതനും അത്യുന്നതനുമത്രെ അല്ലാഹു. … അല്ലാഹുവിനെ വെടിഞ്ഞ് നിങ്ങള്‍ വിളിച്ചുപ്രാര്‍ഥിക്കുന്നവരുണ്ടല്ലോ, നിങ്ങള്‍ എപ്രകാരമുള്ള അടിമകളാണോ, അതുപോലുള്ള അടിമകള്‍ മാത്രമാകുന്നു അവര്‍. അവരോടു പ്രാര്‍ഥിച്ചുനോക്കുക. അവര്‍ നിങ്ങളുടെ പ്രാര്‍ഥനക്ക് ഉത്തരം നല്‍കട്ടെ; അവരെക്കുറിച്ച് നിങ്ങള്‍ക്കുള്ള ധാരണകള്‍ ശരിയാണെങ്കില്‍. അവര്‍ക്ക് കാലുകളുണ്ടോ നടക്കാന്‍? കൈകളുണ്ടോ പിടിക്കാന്‍? കണ്ണുകളുണ്ടോ നോക്കാന്‍? കാതുകളുണ്ടോ കേള്‍ക്കാന്‍? നീ അവരോടു പറയുക: `ദൈവത്തിന്റെ പങ്കാളികളായി നിങ്ങള്‍ സങ്കല്‍പിക്കുന്നവരെ വിളിക്കുവിന്‍. എന്നിട്ട് എല്ലാവരും ചേര്‍ന്ന് എനിക്കെതിരില്‍ തന്ത്രങ്ങളാസൂത്രണം ചെയ്യുവിന്‍. എനിക്ക് ഒട്ടും അവധി തരേണ്ടതില്ല. ഈ വേദമവതരിപ്പിച്ച ദൈവമാരോ അവനാകുന്നു എന്റെ രക്ഷകനും സഹായിയും. അവന്‍ നല്ലവരായ മനുഷ്യരെ സംരക്ഷിക്കുന്നു. നേരെമറിച്ച്, അല്ലാഹുവിനെ വെടിഞ്ഞ് നിങ്ങള്‍ വിളിച്ചുപ്രാര്‍ഥിക്കുന്നവരോ, അവര്‍ നിങ്ങളെ സഹായിക്കാന്‍ കഴിവുള്ളവരല്ല; തങ്ങളെ സ്വയം സഹായിക്കാനും അവര്‍ യോഗ്യരല്ല'.
(ഖുര്‍ആന്‍ 7: 189-197)
ബഹുദൈവ വിശ്വാസികളുടെ മാനസികാവസ്ഥയാണ്‌ ഖുര്‍ആന്‍ ഈ വരച്ചു കാണിച്ചിരിക്കുന്നത്. അല്ലാഹുവിനെ മുഖ്യ ദൈവമായി കാണുകയും, അവന്‍റെ അടുക്കല്‍ ശുപാര്‍ശക്കാരാകാനുള്ള യോഗ്യത മാത്രം തങ്ങളുടെ കുട്ടി ദൈവങ്ങള്‍ക്ക് വകവച്ച് കൊടുക്കുകയുമാണവര്‍ ചെയ്തത്. കുട്ടി ദൈവങ്ങള്‍ അല്ലാഹുവുവിന്‍റെ മേലെയാണെന്നോ തുല്യരാണെന്നോ ഒന്നും അവര്‍ കരുതിയിരുന്നില്ല. അല്ലാഹുവിന്‍റെ സൃഷ്ടികളും ദാസന്‍മാരുമാണ്‌ ആ ദൈവങ്ങള്‍ എന്നേ വിശ്വസിച്ചിരുന്നുള്ളു. എന്നാല്‍ മി. ജബ്ബാര്‍ അല്ലാഹുവിനെ മാത്രം ഇകഴ്ത്തിക്കാണിക്കാനാണ്‌ ശ്രമിക്കുന്നത്; അതിന്നായി ആരെ പുകഴ്ത്താനും അദ്ദേഹത്തിന്ന് ഒരു മടിയുമില്ല. മക്കയിലെ ബഹുദൈവ വിശ്വാസികള്‍ പോലും ഇത്രയും തരം താഴ്ന്നിരുന്നില്ല.
ഖുര്‍ആനിന്‍റെ മലയാള വിവര്‍ത്തനവും വ്യാഖ്യാനവും വായിക്കാന്‍: thafheem.net
കെ.കെ. ആലിക്കോയ
No comments:
Post a Comment